RYVARDSMARKA BEITELAG SA

Inngjerding av Ryvardsmarka er fullfinansiert med offentlege midlar. Føremålet med inngjerdinga er å ta vare på den utvalde naturtypen kystlynghei. Kystlynghei er eit kulturlandskap som er forma av beiting og brenning gjennom fleire tusen år. Føremålet med Ryvardsmarka beitelag er å syta for å ha beitande dyr i den 4 400 dekar store kystlyngheia for å ta vare på den. Beitelaget skal regulera dyretalet i samsvar med skjøtselsplan for kystlyngheia og vera kontaktledd mot grunneigarane. Beitelaget har mynde til å organisera vedlikehald av gjerder og hegner og andre nødvendige tiltak. Beitelaget skal legga til rette for samarbeid ved tilsyn og sanking.